2025-ci ilin yanvar ayında İsveçrədən qiymətli metaldan korposu olan qol saatlarına 200 000 manatdan çox xərclənib. 

Valyuta.Az xəbər verir ki, sözügedən dövrdə İsveçrədən 8 ədəd qol saatı idxal olunub ki, bunların 6-sı elektriklə işləyən mexaniki indikasiyalı, 2-si isə avtomatik qurulma ilə işləyən digər qol saatları olub. 

Məlumata əsasən, mexaniki indikasiyalı qol saatlarına 66.04 min dollar, avtomatik qurulma ilə işləyən digər qol saatlarına isə 59.24 dollar xərclənib. 

Belə ki, hər iki növə aid saatlara toplamda 125.28 min dollar və ya 213 min manat xərclənib. Bununla da mexaniki indikasiyalı qol saatlarının 1 ədədi 18 711 manat 34 qəpiyə,  avtomatik qurulma ilə işləyən digər qol saatlarının 1 ədədi 50 354 manata başa gəlib. 

Bundan əlavə sözügedən dövrdə adi korpuslu elektriklə işləyən mexaniki indikasiyalı qol saatlarının İsveçrədən idxalına 308.01 min dollar və ya 523,617 manat xərclənib. 

Bu qiymətə 535 ədəd qol saatı idxal olunub ki, 1 ədədinin gömrük dəyəri təxminən 978.72 manat olub. 

Adi korpuslu avtomatik qurulma ilə qol saatlarının idxalına isə 359.28 min dollar və ya 610,776 manat vəsait xərclənib. Bu qiymətə 68 ədəd qol saatı gətirilib ki, 1 ədədi təxminən 9 254.19 manata başa gəlib. 

Həmçinin sözügedən dövrdə İsveçrədən 1 ədədi təxminən 4 911.45 manatdan 11 ədəd adi korpuslu digər qol saatları da idxal olunub. 

Rəhim