Azərbaycan Beynəlxalq Bankının 2024-cü ilin IV rübündə əldə etdiyi faiz gəlirləri 914 mln. 199.11 min manat təşkil edib ki, bu da 2023-cü ilin müvafiq dövrü ilə müqayisədə 130 mln. manatdan çoxdur. 

Valyuta.Az xəbər verir ki, bankın müştərilərə verilmiş kreditlərdən əldə edilən faiz gəlirləri 664 mln. 444.08 min manat təşkil edib. Halbuki 2023-cü ilin IV rübündə bu göstərici 471 mln. 798.18 min manat olub. 

Bankın faiz xərclərində də toplamda 100 mln. manatdan çox artım qeydə alınıb. Belə ki, 2023-cü ilin IV rübündə 134 mln. 947.36 min manat təşkil edən faiz gəlirləri son rübdə 249 mln. 537.64 min manata yüksəlib. 

Alınan haqq və komissiya gəlirlərində də artım müşahidə olunub. 230 mln. 491 min manat təşkil edən komissiya gəlirləri əvvəlki ilin müvafiq dövründə 156 mln. 846.36 min manat idi. 

Bankın qeyri-faiz xərclərinə gəldikdə isə, ötən ilin son rübündə bankın qeyri-faiz xərcləri yarım milyard manatı ötüb. 2023-cü ilin son rübündə 395 mln. 534.09 min manat təşkil edən bu xərclər 521 mln. 107.82 min manata yüksəlib. 

Bundan əlavə bankın aktivlərində də toplamda 40 mln. manata yaxın azalma qeydə alınıb. Belə ki, bankın aktivləri 13 milyard 668 mln. 241.87 min manatdan 13 milyard 628 mln. 949.09 min manata düşüb.

Bankın nağd pul vəsaitləri və ekvivalentləri, o cümlədən bloklaşdırılmış nağd vəsaitlərində isə 1 milyard manata yaxın azalma qeydə alınıb. 

Belə ki, bu göstərici 2023-cü ilin IV rübündə qeydə alınan 4 milyard 70 mln. 869.68 min manatdan 3 milyard 162 mln. 282.89 min manata düşüb.

Bank həmçinin, əvvəlki ilin son dövrü ilə müqayisədə daha az mənfəət əldə edib və buna görə də ödənilən mənfəət vergisində müəyyən azalma qeydə alınıb. 2023-cü ilin IV rübündə 99 mln. 124.15 min manat mənfəət vergisi ödədikdən sonra 322 mln. 269.97 min manat xalis mənfəət açıqlamışdı. Lakin son rübdə bu göstəricilər müvafiq olaraq 74 mln. 653.55 min manat (ödənilən mənfəət vergisi) və 293 mln. 732.04 min manat (xalis mənfəət) olub. 

Rəhim