Surinam prezidentliyinə namizəd, eyni zamanda “Datalist Labs”ın baş direktoru olan Maya Parbhoe bir bəyanatda ölkənin iqtisadi çətinliklərinin həlli olaraq “Bitcoin”in (BTC) rəsmi valyuta kimi qəbul edilməsini təklif edib.

Valyuta.az-n məlumatına görə, “Parbhoe”nin “Bitcoin” tərəfdarı mövqeyi onun kampaniya platformasının əsas komponentidir. Çünki o, “BTC”nin Surinam iqtisadiyyatına çox ehtiyac duyulan şəffaflıq və səmərəliliyi gətirə biləcəyini iddia edir.

Bu yaxınlarda verdiyi müsahibədə Parbhoe Surinamın 1975-ci ildə müstəqillik əldə etdiyi vaxtdan bəri baş verən iqtisadi mübarizələri, xüsusən də inflyasiya və sistemli korrupsiyanı vurğulayıb. O, mərkəzləşdirilməmiş strukturu ilə “Bitcoin”in bu problemlərin həllində təsirli ola biləcəyinə inanır. “Mən inanıram ki, Bitcoin inflyasiya və sistemli korrupsiya probleminin həlli yoludur” deyən Parbhoe qeyd edib ki, blokçeyn texnologiyasının təqdim etdiyi şəffaflıq dövlət xərclərində korrupsiya ilə mübarizə aparmağa kömək edə bilər.

Əvəz Həsənov