Nar ölkəyə vəsait gətirən məhsuldur. Azərbaycan narı öz şirinliyi və təbii xüsusiyyətləri ilə digər ölkələrin istehsal etdiyi nardan seçilir. Bəs ötən il ərzində bu  məhsul Azərbaycana nə qədər vəsait gətirib?

Valyuta.az Nar ixracının şaxələndirilməsi, məhsul istehsalı ilə bağlı araşdırma aparıb.

Ötən il 187 min ton nar istehsal edilib

"Azərbaycan Nar İstehsalçıları və İxracatçıları Assosiasiyası" İctimai Birliyinin İdarə Heyətinin sədri Fərhad Qaraşov bildirib ki, artıq bağlarda nar meyvəsinin yığım və satış prosesi demək olar ki, yekunlaşıb: “Ümumi məhsuldarlığa nəzər saldıqda bu il narçılıq üzrə tendensiya ölkə üzrə 187 min ton olub”. 

F.Qaraşov qeyd edib ki, istehsala gəldikdə isə iqlimlə bağlı baş verən xırda problemləri nəzərə almasaq, istehsal prosesində elə də ciddi çətinlik müşahidə edilməyib.

O, ötən ilin ixracı ilə bağlı məlumat verib: “Ötən ilə nəzər saldıqda ənənəvi bazarların alıcılıq qabiliyyətində ciddi dəyişiklik olmasa da, biz bəzi vacib məqamları göz önünə gətirməliyik. Belə ki, 2023-cü ildə ölkənin nar ixracının həcmində artım qeydə alınıb, 2022-ci illə müqayisədə ötən il nar ixracı 5 min 150 ton artaraq 28,628,62 min tona çatıb. Lakin təəssüf ki, ixrac rəqəmində olan artımı biz satış qiymətlərində müşahidə etmirik. 2022-ci illə müqayisədə nar ixracından daxil olan vəsait 1 milyon 232 min ABŞ dolları azalaraq 30 milyon 641 min 04 ABŞ dolları təşkil edib. Bunun əsas səbəbi Rusiyada rublun alıcılıq qabiliyyətinin, satış məbləğinin azalmasıdır. Bu il yekun olaraq Rusiya bazarlarında rublun alıcılıq qabiliyyəti istisna olmaqla ümumilikdə satış prosesində elə bir ciddi problem yaşanmayıb. Ənənəvi olaraq əsas satış bazarlarımız bu il Rusiya, Gürcüstan, Ukrayna, Belarusa olub”.  

“Təəssüf ki, Avropa bazarlarına ixrac prosesi çox cüzi olduğu üçün bu məsələyə fokuslana bilmərik. Avropa bazarlarına ixracın az olmasının əsas səbəbi bu bazar üçün meyvənin uyğun yetişdirilməməsi, həmçinin Rusiya-Ukrayna müharibəsi nəticəsində logistikanın bahalaşması və ixrac prosesində nəqliyyat yolunun uzanmasıdır”, o sonda vurğulayıb.

Nara