2025-ci ilin yanvar-fevral ayları üzrə kənd təsərrüfatının ümumi məhsulunun faktiki qiymətlərlə dəyəri 1 mlrd. 61,9 mln. manat təşkil edib. 

Valyuta.Az xəbər verir ki, onun da 1 mlrd. 6 mln. manatı heyvandarlıq, 55,9 mln. manatı isə bitkiçilik məhsullarının payına düşüb. 

Mart ayının 1-nə kimi 57,1 min hektar sahədə yazlıq bitkilər, o cümlədən 11 min hektar sahədə dənli və dənli paxlalı bitkilər, 10,0 min hektar sahədə kartof, 11,8 min hektar sahədə tərəvəz, 0,1 min hektar sahədə bostan bitkiləri, 0,3 min hektar sahədə şəkər çuğunduru, 44,0 hektar sahədə dən üçün
günəbaxan və 23,9 min hektar sahədə yemlik bitkilər əkilmişdir.

Belə ki, cari ilin ilk 2 ayında 26.6 ton buğda istehsal edilib ki, bu da əvvəlki ilin müvafiq dövrü ilə müqayisədə 83.7 % daha azdı. Kartof istehsalı 15 % azalaraq 10 007,5 tona, tərəvəz istehsalı 13.3 % azalaraq 11 761,3 tona, Dənli və dənli paxlalı bitkilərin (qarğıdalısız) istehsalı 6.5 % azalaraq 10 919,7 tona düşüb.

Bundan əlavə vələmir istehsalı 31 % artaraq 5 418,8 tona, bostan bitkiləri 3.6 % artaraq 57 tona, şəkər çuğunduru istehsalı 52,9 % artaraq 315 tona yüksəlib. 

Rəhim