“Rusiya nə qədər məhdudlaşdırıcı qərarlar versə də, miqrantlara olan ehtiyaclarını ödəmək üçün ölkəni tamamiylə əmək miqrantlarının üzünə bağlayası deyil”.

Bunu Valyuta.az-a açıqlamasında Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov Rusiyanın əmək miqrantlarına ehtiyacının olub-olmaması, ölkə iqtisadiyyatının onlarsız inkişaf edib-etməməsi barədə verəcəyi qərarı şərh edərkən bildirib. 
Onun sözlərinə görə, Rusiyada miqrantlarla bağlı məsələ zaman-zaman müzakirə olunur:

“Məsələ ondadır ki, Rusiyanın 12 min kənardan gətirilən işçi qüvvəsinə ehtiyac var. Bu baxımdan deyə bilmərik ki, bu layihə nədir, hansı məhdudlaşdırıcı qərarlar olacaq? Rusiyanın elə regionları var ki, orada işçi qüvvəsi çatışmazlıqlarına görə müəyyən işləri həyata keçirmək mümkün deyil. Ola bilsin Moskva və onun ətraf vilayətlərində hansısa məhdudlaşma ola bilər, amma bütövlükdə Rusiyanın bu qərarı tətbiq edəcəyinə inanmıram”.
 
Qeyd edək ki, Rusiya Dumasının MDB işləri üzrə komitəsi sədrinin birinci müavini Konstantin Zatulin miqrantlarla bağlı qərarın veriləcəyini açıqlayıb. O bildirib ki, Rusiya əməkçi miqrantlara ehtiyacının olub-olmaması, ölkə iqtisadiyyatının onlarsız inkişaf edib-etməməsi barədə qərar verməlidir.

Aylin