Yer planetində yaşayan insanlar zəngin ola bilər.

Valyuta.az xəbər verir ki, dəyəri 10 kvintilyon dollar olan bir meteorit planetimizə yaxınlaşır. Bu barədə NASA-dan açıqlama verilib. Açıqlamada “16 Psyche” adlandırılan və dəyəri 10 kvintilyon dollar olduğu təxmin edilən meteoritin Yerə yaxınlaşdığı bildirilib.

Kosmosun və göy cisimlərinin tədqiqi həmişə elm dünyasının maraq dairəsində olub. Bu mənada xəzinə kimi qiymətləndirilən “16 Psyche” adlı meteorit elm adamlarının diqqətini çəkib. Yeni kəşflərlə bu meteorit haqqında daha da çox məlumat əldə edilib və kosmosun dərinliklərindəki sirlərin başa düşülməsinə töhfə verəcəyi düşünülür. "16 Psyche" Günəş sistemində olan bir asteroiddir və əsas Kuiper qurşağında tapılan ən böyük nikel, həmçinin dəmir tərkibli meteoritlərdən biridir.

NASA bu meteoritin tədqiqi üçün hazırladığı “Psyche” kosmik gəmisinin buraxılışına 100 gündən az vaxt qaldığını açıqlayıb. NASA 2020-ci ildə bu metalla zəngin obyektə çatmaq üçün İlon Maskın “SpaceX” şirkəti ilə əməkdaşlıq etdiyini bildirib. “SpaceX”in “Falcon Heavy” raketi NASA-nın “Psyche” kosmik zondunu daşıyacaq və bu buraxılış oktyabrın 5-nə planlaşdırılıb. Bu il kosmosa buraxılan gəmi 450 milyon kilometr yol qət edəcək. Nəqliyyat vasitəsi 2029-cu ilin avqustunda Mars və Yupiter arasındakı əsas asteroid qurşağında yerləşən “Psyche” adlanan meteoritə çatacaq. Bu kosmik zond eni 220 kilometr olan obyektin ətrafında dolaşaraq məlumat toplayacaq.

İlk dəfə 1852-ci ildə kəşf edilən nəhəng meteorit Mars və Yupiter arasında yerləşir. O, digərləri ilə müqayisədə Yerə çox yaxındır. Bu səbəbdən elm adamları sözügedən səyahət zamanı meteoriti rahatlıqla müşahidə edə biləcəklər. Meteoritin tərkibindəki 10 kvintilyon dollar dəyərində olan mədənlər dünya iqtisadiyyatını alt-üst və hər kəsi milyarder edə bilər. Bu, planetimizin iqtisadiyyatının hazırkı dəyərindən dəfələrlə çoxdur. Dünya iqtisadiyyatı 75 trilyon dollar qiymətləndirilir. 

Bununla belə, NASA meteoriti yalnız uzaqdan izləyəcəyini və ilk səfərdə heç bir material toplamayacağını açıqlayıb.

Elmir