Mədəniyyət Nazirliyinə tabe olan bəzi qurumlarda və teatrlarda ötən ayın maaşları hələ də verilməyib. 

Bu barədə Valyuta.az-a teatrların əməkdaşlarından şikayət daxil olub. Bildirilib ki, fevral ayının ilk ongünlüyünü tamamlamağa hazırlaşsaq da, hələ də ötən ayın maaşlarını almayıblar. 

Məsələ ilə bağlı Valyuta.az-ın sorğusuna Mədəniyyət Nazirliyindən bildirilib ki, maaşlar artıq verilməyə başlayıb. Amma əməkhaqqlarının gecikmə səbəbi barədə məlumat verilməyib.

Qeyd edək ki, nədəniyyət naziri vəzifəsini nazirin birinci müavini Adil Kərimli icra edir. O bu vəzifəyə ötən ilin dekabr ayında təyin olunub.