2021-ci ilin yanvar-iyun ayları ərzində (ilk 6 ayda) Azərbaycana 397 milyon  587 min dollar dəyərində 39 min 643 ədəd avtomobil (nəqliyyat vasitələri) idxal edilib. 

Valyuta.az Dövlət Gömrük Komitəsinə istinadən xəbər verir ki, avtomobil idxalı 2020-ci ilin ilk 6 ayı ilə müqayisədə 16 min 230 ədəd  və ya 69,3% çoxdur. 

Qeyd edək ki, 2020-ci ilin yanvar-iyun aylarında Azərbaycana  289 milyon  912 min dollar dəyərində 23 min 413 ədəd avtomobil idxal edilmişdi.

Bu ilin ilk 6 ayında minik avtomobillərinin idxalı 36 min 741 ədəd təşkil edib (ötən ilin ik 6 ayında 21 min 917 ədəd təşkil etmişdi). 

Təkcə 2021-ci ilin iyun ayında Azərbaycana 8 min 423 avtomobil idxal edilib. Bu, 2021-ci ilin ötən dövründə ən yüksək aylıq nəqliyyat vasitələri idxalıdır. Həmçinin bu ilin yanvarında 4 min 642 ədəd, fevralında 4 min 795 ədəd, martında 6 min 102 ədəd, aprelində 8 min 315 ədəd, mayında 7 min 366 ədəd avtomobil idxal edilib.