Bu ölkəyə satdığımız neftdən gəlirimiz 400 milyon dollara yaxın artıb - Rəqəmlər

Cari ilin 10 ayında Azərbaycandan xarici ölkələrə 20 milyon 571 min 968 ton miqdarında bitumlu süxurlardan alınmış xam neft və xam neft məhsulları satılıb.

Valyuta.az rəsmi məlumatlara istinadən xəbər verir ki, bu miqdarda neft satışından 12 milyard 762 milyon 589 min ABŞ dolları gəlir əldə olunub.

Bu dövrdə Xorvatiyaya 1 milyon 374 min 573 ton miqdarında, 842 milyon 638 min dollar dəyərində olub. Bu, ötən ilin eyni dövrü ilə müqayisədə miqdar ifadəsi ilə 572 min 552 ton (71,4%), dəyər ifadəsi ilə 367 milyon 186 min dollar (77,2%) çoxdur.

Ötən ilin yanvar-oktyabr aylarında Azərbaycandan Xorvatiyaya 802 min 21 ton miqdarında, 475 milyon 452 min dollar dəyərində bitumlu süxurlardan alınmış xam neft və xam neft məhsulları ixrac edilib.

Əvəz Həsənov