“Çelsi”nin satılmasından sonra klıuba nə qədər sərmayə yatırıldığı açıqlanıb.

Valyuta.az xəbər verir ki, bu barədə “Footbalinsider” yazıb. Məlumata görə, keçən il Todd Behlinin klubu satın almasından bəri “Çelsi”yə iki milyard funt-sterlinqdən çox sərmayə qoyulub. 

Behli ötən il London klubunu 2,5 milyard funt-sterlinqə satın alıb. Bununla yanaşı Behlinin konsorsiumu həm meydanda, həm də ondan kənarda kluba əlavə 1,75 milyard funt-sterlinq sərmayə qoyulacağını vəd edib. Son üç transfer dönəmində yeni futbolçular üçün artıq bir milyard funt-sterlinq xərclənib. "Çelsi" 1,75 milyardlıq rəqəmi, yeni müqavilə imzaladığı “Ares Management”dən əlavə 400 milyon funt-sterlinq də alaraq 2,15 milyarda çatdırıb. “Çelsi” “Stamford Bridge”in yenidən qurulmasına başlamaq üçün bu sərmayələrdən istifadə etməyi planlaşdırır. “Zadəgan”lar 40,300 yerlik stadionunun tutumunu genişləndirmək üçün “Stamford Bridge”in yaxınlığındakı torpaq sahəsini almaq məqsədilə 65 milyon funt-sterlinq təklif edib. Klub torpaq sahəsinin sahibi “Stoll” ilə prinsipial razılaşma əldə edib və hazırda tikintiyə başlamaq üçün yaşıl işığı gözləyir.

400 milyon funt-sterlinq məbləğindəki pul inyeksiyası, həmçinin, Behli tərəfindən yeni klubun alınması üçün də töhfə verə bilər. Klubun sahibi bu yay Fransa “Strasburq”unu 65 milyon funt-sterlinq qarşılığında satın alaraq özünün çoxlu klub layihəsini başladıb.

Elmir