2020-ci ildə Meşələrin İnkişafı Xidməti tərəfindən yaşıllıqların salınmasında iqtisadi səmərə verən bitki növlərindən istifadə səviyyəsinin artırılması və meşə sahələrinin seyrəkləşməsinin və azalmasının qarşısının alınması məqsədilə 10382 hektar meşə fondu sahələrində meşəbərpa tədbirləri həyata keçirilib.

Ekologiya və Təbii Sərvətlər Nazirliyindən Valyuta.az-a verilən məlumata görə, görülmüş tədbirlər çərçivəsində 527,3 hektar sahədə meşə əkinləri, 121,2 hektar sahədə meşə səpinləri işləri aparılıb.

Həmçinin, 68,5 hektar sahədə meşə-bağlar, 5 hektar sahədə tez böyüyən ağac cinslərindən ibarət sənaye əhəmiyyətli plantasiyalar salınıb və 9660 hektar sahədə təbii bərpaya kömək göstərilib. 

Ümumilikdə xidmət göstərilmiş meşə əkinlərinin, səpinlərinin və meşə-bağlarının sahəsi 21668,6 hektar təşkil edib. Bundan başqa, səpin sahələrində 9,6 hektar sahəyə toxumlar səpilib, 2,0 hektar çilik kökləndirməsi sahələrinə 93,2 min ədəd çilik basdırılıb.