"Ölkə daxilində bir çox qurumların informasiya texnologiyaları istiqamətində kifayət qədər hazırlıqlı olmadığı və ya mövcüd vəziyyətin dövrün standart və tələblərinə uyğun olmaması fundamental iş aparılmasını zəruri edir". 

Bunu Valyuta.az-a açıqlamasına, İKT mütəxəssisi Elvin Abbasov bildirib.

Mütəxəssis qeyd edib ki, dövlət strukturlarında elektron iş mühitinin formalaşması, proseslərin avtomatlaşması, informasiya kommunikasiya texnologiyalarından səmərəli istifadə edilməsi ölkəmizdə başlıca hədəflərdən biridir: "Bu hədəfə çatmaq üçün qurumlarda texnologiya infrasturukturlarının təkmilləşdirilməsi aktual mövzulardan birinə çevirilib. IV sənaye inqilabına keçid mərhələsinə hazırlaşan ölkəmiz, bu istiqamətdə elektron sənayenin qurulması və informasiya kommunikasiya texnologiyalarının tam səmərəli istifadəsini təmin edən strategiya və planlamalar qurmalıdır".

Onun fikrincə, ağıllı şəhər konsepsiyasına start aldığımız bir dövrdə ölkədə mövcud texnologiya infrasturkturu tam təhlil olunmalıdır: "Və bu təhlillər əsasında texnologiya infrastrukturlarına qoyulacaq investisya həcmi və hərəkət planları məlum olacaqdır".