Rusiyanın birmühərrikli Su-75 Checkmate qırıcısı qiymətini optimallaşdıran texniki dəyişikliklər edib. 

Valyuta.az xəbər  verir ki, bu barədə TASS məlumat yayıb.

“Chemate proqramı çərçivəsində Rostec Birləşmiş Təyyarə Korporasiyası potensial müştərilərdən rəy aldı. Potensial alıcılar tərəfindən əlavə tələblərin toplanması ilə yanaşı, xərclərin optimallaşdırılması və fərdi texniki həllərin təhlili istiqamətində də işlər aparılıb”, - məlumatda deyilir.

Bundan əvvəl Rusiyanın perspektivli strateji raketdaşıyıcısı üzərində işlərin qrafikə uyğun davam etdiyi bildirilirdi. Birləşmiş Təyyarə Korporasiyası, Rostec bildirib ki, qrafikə uyğun olaraq perspektivli uzunmənzilli aviasiya kompleksinin layihəsi üzərində iş aparır. Dövlət korporasiyası xüsusi qeyd edib ki, hava gəmisinin sifarişçinin tələb etdiyi parametrlər texniki spesifikasiyalarda göstərildiyi kimi saxlanılacaq.

Perspektivli uzun mənzilli aviasiya kompleksi “uçan qanad” dizaynına uyğun olaraq dizayn edilib. Təyyarənin dizaynında onun radar görmə qabiliyyətini azaldan texnologiya və materiallardan geniş istifadə olunacaq. Təyyarə həm mövcud, həm də hazırda inkişaf etdirilməkdə olan strateji qanadlı raketlər, dəqiq bombalar və hipersəs sistemləri ilə silahlanacaq. O, ən son rabitə və elektron döyüş avadanlıqları ilə təchiz olunacaq. Raket daşıyıcısı səsdən aşağı uçuş sürətinə malik olacaq.

Nicat