BAKU Azərbaycan
°C
  • 1 USD ABŞ dolları
    0.0000
  • 1 EUR Avro
    0.0000
  • 1 RUB Rusiya rublu
    0.0208
  • 1 TRY Türkiyə lirəsi
    0.0000
  • 1 GBP İngiltərə funt sterlinqi
    0.0000

Dünən axşam saatlarında sosial şəbəkələrdə yaranmış qlobal problem bütün istifadəçilərin narahatlığına səbəb oldu. “Facebook”, “Instagram” və “WhatsApp” istifadəçiləri bu platformalara daxil ola bilmədilər və bütün dünyada sosial aktivlik minimum düşdü.

Sosial media böhranı sadə istifadəçilərlə bərabər, siyasətçilərin, tanınmış şəxslərin də böyük narahatlığına səbəb oldu.

Valyuta.az xəbər verir ki, Modern.az sosial şəbəkələrdən aktiv istifadə edən deputatlar arasında sorğu keçirib və sosial şəbəkələrin işinin dayanmasının onların fəaliyyətinə necə təsir etdiyi ilə maraqlanıb.

Parlamentin İqtisadi siyasət, sənaye və sahibkarlıq komitəsinin sədri Tahir Mirkişili də sosial şəbəkələrdəki aktiv deputatlardandır. Lakin o, dünənki problemə görə ciddi narahatlıq yaşamayıb:

“Nasazlıq axşam saatlarında başladığından fəaliyyətimizdə böyük itkilərə gətirib çıxarmadı. Sadəcə, həmin vaxtda sosial şəbəkələrdən istifadə etmədim və qlobal xarakter daşıdığından, problemin həllini gözlədim. Ona görə, mənim üçün elə bir ciddi təsiri olmadı. Amma qeyd etdiyim kimi, qlobal miqyasda baş verən bu nasazlıq təbii ki, dünyada narahatlıq yaratdı. Çünkü bu həm də ciddi iqtisadi itkilərə səbəb oldu”.

Deputat Vüqar Bayramov deyir ki, mütəmadi olaraq həm “WhatsApp”, həm “Messenger”, həm də digər sosial şəbəkələr vasitəsilə seçicilərlə əlaqə saxlayır:

“Seçicilər də bizimlə əlaqələr yaradır, onları maraqlandıran məsələlərlə bağlı müraciət edirlər. Sosial şəbəkələrin çökməsi əlaqələrə təsir göstərdi. Amma bu qısa müddətli olduğundan və işdən sonrakı saatları əhatə etdiyindən seçicilərlə kontakta ciddi təsirləri olmadı. Amma sözsüz ki, həyat və kommunikasiya virtuallaşdığına görə, gələcəkdə belə problemlər təkraralanacağı halda intensiv kommunikasiyaya təsir edəcək. Təbii ki, alternativ olaraq, biz köməkçilərimiz vasitəsilə və birbaşa özümüz seçicilərlə telefon əlaqəsi yarada bilirik. Etiraf etməliyik ki, sosial şəbəkələr əsas kommunikasiya vasitələrindən birinə çevrilib”.

Deputat Fəzail Ağamalı sosial şəbəkələrdə yaranan problemə görə, çətinlik yaşadığını vurğulayıb:

“Təəssüf ki, bu problemi yaşadıq. Həm də nasazlıq qlobal miqyasda olduğundan çox çətinliyə gətirib çıxardı. O da bəlli oldu ki, internet ünsiyyətimizin çox vacib elementinə çevrilib, sanki bütün əlaqələrimiz bloklanmışdı. Mənim də seçicilərlə virtual ünsiyyətimdə fasilələr yarandı, onların müraciətlərini oxuya bilmədim. Amma hər kəsdə bu problem yaşandığından, səbrlə qarşılamağa məcbur olduq”.

Deputat Naqif Həmzəyev isə dünən sosial şəbəkələrdə problem yarananda alternativ platformalara üz tutub:

“Onların vasitəsilə görməli olduğum işi müəyyən dərəcədə həll edə bildim. Sosial şəbəkələrdəki problem qlobal olduğu üçün səbrlə qarşıladıq, ümidlə gözlədik ki, hər şey normallaşsın.

Seçicilərimiz və sosial şəbəkədə bizi izləyənlər öyrəşiblər ki, mütəmadi paylaşımlar edək, gün ərzində keçirdiyimiz görüşləri, tədbirləri, qatıldığımız televiziya və radio verilişlərini paylaşaq, seçicilərimiz öz problemlərini bizə rahat  şəkildə çatdırsınlar. Bu işdə müəyyən fasilələr yarandı.

Mən öz internet saytım vasitəsilə müraciətləri qəbul etdim. Orada heç bir problem yox idi. Ona görə, ən az itki ilə 6-7 saatı geridə qoya bildik.

Ümumilikdə, heç kim bu problemdən sığortalanmayıb, ona görə sosial şəbəkələrdən asılılığı azaltmalıyıq. Yaxud insanlar belə problemlər zamanı alternativ platformalardan istifadəyə alışmalıdır. Mən çalışıram ki, sosial mediada günün müəyyən saatlarında paylaşımlar edim, gələn müraciətləri oxuyum. Dünən axşam saatlarına yaxın işlərimi bitirmişdim. Qalan paylaşımlarımı isə bu gün etməyə çalışacağam”.

Son xəbərlər

İrəvan-İstanbul reyslərinin sərnişinləri “hava vergi”si ödəməyəcək

AccessBank 2021-ci il üzrə maliyyə hesabatını açıqladı

“Haqsız rəqabət haqqında” qanuna dəyişiklik ediləcək

Azərbaycan Gürcüstanla turizm sahəsində əməkdaşlığı müzakirə edib

"Britaniya Rusiyaya qarşı sərt sanksiya layihəsi hazırlayır" - Elizabet Trass

Dünyanın ən varlı 5 adamı iki həftə ərzində 85 milyard dollar itirib

Ölkəyə gətirilən məhsulların 17,4 faizi dəmir yolu nəqliyyatı ilə daşınıb

"Azərenerji" Qarabağda 4 obyektin tikintisinə icazə alıb

Xudafərin sərhəd keçid məntəqəsi ilə bağlı razılıq əldə olunub

Pul hesabatından nə görünür?

İşsizlərin nəzərinə! Dövlət boş iş yerlərini açıqladı - 2500 AZN maaş

Dünya Bankı Azərbaycanda vergi islahatlarına texniki dəstək layihəsini uzadıb

Reuters: ABŞ Avropa üçün Rusiya qazına alternativ axtarır

Eks deputatın qardaşına 8 milyonluq ittiham: Elşən Cəbrayılovla bağlı müraciət niyə araşdırılmır?

Eks deputatın qardaşına 8 milyonluq ittiham: Elşən Cəbrayılovla bağlı müraciət niyə araşdırılmır?

“AccessBank” tender elan edir

İkinci “Ağıllı kənd” salınır: nə qədər insan köçürüləcək?

Nar bağlarının sığortası başlayıb

Azərbaycanda kirayə avtomobil bazarı nə yerdədir? - QİYMƏTLƏR

Azərbaycanda kirayə avtomobil bazarı nə yerdədir? - QİYMƏTLƏR

Dini qurumlar ianəni bank kartı ilə qəbul edə biləcəklər

DSMF-nin büdcədən asılılığı azalıb, amma bir sual qalır – TƏHLİL

Bütün xəbərlər