"Bu qərara ölkəyə idxal olunan məhsulların haqqının ödənilməsinə aid deyil. Burada məhdudiyyət yalnız şəxsi ehtiyaclar üçün çıxarılan valyutaya qoyulub".

Bu sözləri Valyuta.az-a Liberal İqtisadçılar Mərkəzinin sədri Akif Nəsirli ölkədən çıxarılan valyutaya qoyulan limitin ölkəyə məhsul idxal edən fərdi sahibkarlara təsiri haqqında danışarkən deyib. 

İqtisadçı deyir ki, fiziki şəxs hansısa ixrac məhsulunun dəyərini ödəmək üçün ölkədən valyuta çıxarırsa, bununla bağlı ona da qadağa yoxdur:

"Amma o, şəxsi məqsədlərlə ölkədən valyuta çıxarmaq istəsə, buna məhdudiyyət olacaq. Bunun üçün 20000 dollara qədər limit qoyulub”. 

Akif Nəsirlinin sözlərinə görə, Azərbaycana sahibkarları yalnız istehlak məhsullarının idxalı üçün təxminən il ərzində 3.5 milyard dollar pul xərcləyirlər:

“Bu qadağa olsa, ölkədən vəsait çıxarmaq mümkün olmaz. Ölkəyə idxal olunan məhsullara bu cür qadağa qoyularsa da, ciddi qıtlıq yarana bilər”.

Akif Nəsirli deyib ki, bu limit şəxsi məqsədlər üçün ölkədən çıxarılan vəsaitə qoyulub:

“Hətta mən bir mütəxəssis olaraq bunu təqdir etmirəm, lakin qərar belədir. Bu qadağa idxal mallarının haqqının ödənilməsinə aid deyil. Ona görə də bu qərar fərdi sahibkarlara heç bir təsir etməyəcək”.

Davud