Bu gün Mərkəzi Bankda növbəti valyuta hərracı keçirilib. Məlumata görə, hərracda tələb 32,2 milyon ABŞ dolları təşkil edib və tam təmin edilib.

Bu göstərici ötən hərracdan 2 dəfə çoxdur. Belə ki, iyulun 6-da keçirilən valyuta hərracında banklar 15.7 milyon dollar alış həyata keçirib.

Valyuta.az-a açıqlama verən maliyyə-bank eksperti Əkrəm Həsənovun fikrincə, son valyuta hərracında dollara tələbatın artması mövsümü amillərlə bağlıdır: 

“Artım baş versə də, bunu şok artım kimi qiymətləndirmək də olmaz. Onsuz da vaxtaşırı olaraq hərraclarda dollara tələbat artır, gah da düşür. Bütün bunlar mövsümü tələbatla bağlıdır. Nəzərə alaq ki, ilin birinci yarısı bitib. Ona görə də ola bilər hansısa şirkətlərin xaricə ödənişlərin vaxtı çatıb. Bu səbəbdən də onlar banklardan dollar almağa başlayıblar. O cümlədən, artıq vətəndaşların istirahətlə bağlı xaricə səfərləri də artır. Adətən, ilin bu zamanında hərraclarda dollara tələbat artırsa, bu məhz yuxarıda sadaladığım məqamlarla bağlı olur”. 

Ramiz