"Volkswagen" qrupu 2023-cü ilin sentyabrında montaj xətlərində ehtiyat hissələri çatışmazlığı ilə üzləşə bilər. 

HİT.az xəvər berir ki, bu barədə DPA agentliyi məlumat yayıb.

Qeyd olunur ki, Sloveniyada ehtiyat hissələri istehsal edən iri müəssisə daşqın səbəbindən zədələnib. Konsern nümayəndəsinin sözlərinə görə, sentyabr ayında bütün avtomobil istehsal edən zavodlar kifayət qədər miqdarda ehtiyat hissələri almayacaq və buna görə də avtomobillərin istehsalında fasilələr yarana bilər.

"Volkswagen" təmsilçisi hansı sloveniyalı istehsalçıdan söhbət getdiyini açıqlamayıb.

Sloveniyada şiddətli daşqınlar nəticəsində 10 mindən çox evi su basıb. Dəyən ziyan bir neçə milyard avro dəyərində qiymətləndirilir.