Xaricdən nəqliyyat vasitələri alışına çəkdiyimiz xərc 300 milyon dollara yaxın azalıb

Cari ilin 10 ayında Azərbaycana xarici ölkələrdən 1 milyard 978 milyon 812 min ABŞ dolları dəyərində nəqliyyat vasitələri və onların hissələri gətirilib.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə 277 milyon 657 min ABŞ dolları və ya 12,3 % azdır. 2023-cü ilin yanvar-oktyabr aylarında Azərbaycana xarici ölkələrdən 2 milyard 256 milyon 469 min ABŞ dolları dəyərində nəqliyyat vasitələri gətirilib.

Qeyd edək ki, idxal olunan nəqliyyat vasitələri və onların hissələri ümumi idxalın 11,89 faizini təşkil edib.

Əvəz Həsənov