İş quranlar üçün oxunmalı maliyyə kitabları - SƏHƏR OXUSU

Kitablar, düzgün maliyyə qərarları vermək üçün bələdçi sayılır. Onlar təkcə bilik mənbəyi deyil, həm də insanı istənilən mövzuda istiqamətləndirən faydalı vasitədir. Əgər maliyyə məsələlərində ən sərfəli qərarları vermək istəyirsinizsə, aşağıda sadalanan şəxsi maliyyə üzrə ən yaxşı kitabları oxumağınız tövsiyə olunur. Bəlkə də, elə bu siyahıdakı bir kitab sizə milyonçu olma yolunda lazım olan ipucunu verəcək.

Secrets of the Millionaire Mind – T. Harv Eker
Müəllifə görə, zənginliyin açarı yalnız təhsil deyil, həm də düşüncə tərzinin dəyişməsidir. Kitab varlı insanların inanc və düşüncələrini öyrənmək üçün əla vasitədir.

The Law of Divine Compensation – Marianne Williamson
Pul, möcüzələr və iş haqqında yazılmış bu kitab maliyyə sahəsində ruhani yanaşma təqdim edir.

The Science of Getting Rich – Wallace D. Wattles
Bu klassik kitab var-dövlət yaratmağın psixologiyasını və zənginliyə münasibətin əhəmiyyətini vurğulayır.

The Millionaire Next Door – Thomas J. Stanley və William D. Danko
Zənginlərin həyat tərzi və maliyyə vərdişləri barədə məlumat verən bu kitab şəxsi maliyyə planlamasında yol göstəricidir.

Security Analysis – Benjamin Graham və David Dodd
Fundamental səhmlərin qiymətləndirilməsi üzrə "bibliya" sayılan bu kitab dəyər əsaslı investisiyaya marağı olanlar üçün vacib mənbədir.

Think and Grow Rich – Napoleon Hill
Hələ də aktual olan bu kitab zənginliyə gedən yolu addım-addım araşdırmalarla izah edir.

The Intelligent Investor – Benjamin Graham və Jason Zweig
Həm yüksəlişdə, həm də enişdə olan bazar dövrlərində sərmayəçilərə praktik məsləhətlər təqdim edir.

The Wealthy Barber – David Chilton
Sərfəli maliyyə planlaması üçün sadə və əyləncəli dildə yazılmış bu kitab maliyyə qərarları üçün vacib konsepsiyaları izah edir.

Jim Cramer’s Get Rich Carefully – Jim Cramer
Maliyyə bazarlarında uğur üçün məntiq və araşdırmaya əsaslanan yanaşmanı paylaşan kitabdır.

How to Get Out of Debt, Stay Out of Debt, and Live Prosperously – Jerrold Mundis
Borclardan azad olub maliyyə azadlığına doğru yol göstərən təcrübəyə əsaslanan bir kitabdır.

The Truth About Money – Ric Edelman
Maliyyə planlaması barədə ciddi məlumatları yumor və illustrasiyalarla təqdim edən bu kitab həm informativ, həm də əyləncəlidir.

Common Sense on Mutual Funds – John C. Bogle
"Vanguard Group"un qurucusu tərəfindən yazılmış bu kitab mutual fondlara sərmayə yatıranlar üçün sağlam məsləhətlər təqdim edir.

Competitive Strategy – Michael E. Porter
Harvard Biznes Məktəbinin professoru sənaye strategiyalarının əsaslarını bu kitabda izah edir.

A Random Walk Down Wall Street – Burton G. Malkiel
1973-cü ildə nəşr olunmuş bu klassik kitab investisiya növlərini və bazarın əsas prinsiplərini oxuculara tanıdır.

Hər il maliyyəmizi yaxşılaşdırmaqla bağlı yeni qərarlar qəbul etsək də, bu məqsədə çatmaq üçün doğru informasiya və bilik mütləqdir. Bu kitablar şəxsi maliyyə bünövrəsini möhkəmləndirmək, düzgün qərarlar vermək və arzulara çatmaq üçün güclü motivasiya və praktiki istiqamət verir.

Tənzilə Ağabalayeva