“Bakı Metropoliteni”nin yığılmış zərəri 3 mlrd. manatı keçib

“Bakı Metropoliteni” QSC 2024-cü ili 139,616 milyon manat zərərlə başa vurub.

Valyuta.az xəbər verir ki, bu 62,741 milyon manat və ya 81,6% çoxdur. 

2023-cü ildə bu göstərici 76,875 milyon manat idi.

2024-cü ilin sonuna qədər yığılmış zərəri 4,7% artaraq 3 milyard 109,540 milyon manata yüksəlib. 

Hesabata əsasən, ötən il “Bakı Metropoliteni”nin ümumi gəlirləri 155,655 milyon manat təşkil edib ki, bu da əvvəlki illə müqayisədə 22,4% artım deməkdir.

Ötən il “Bakı Metropoliteni”nin sərnişindaşımadan gəlirləri 100,647 milyon manat (əvvəlki ilə nisbətən 20,6% çox), hökumət subsidiyalarından gəlir 50,000 milyon manat (30,2% çox), sair əməliyyat gəlirləri 5,008 milyon manat (4,4% az), istifadə etdiyi neft məhsullarının dəyəri 902 min manat (29,4%çox), istifadə etdiyi elektrik enerjisinin dəyəri 13,934 milyon manat (3,7% çox), istifadə etdiyi suyun dəyəri 3,392 milyon manat (11,0% az), işçi heyəti üzrə xərcləri 86,284 milyon manat (15,4% çox) təşkil edib.

2024-cü ilin sonuna “Bakı Metropoliteni”nin cəmi aktivləri 418,82 milyon manat olub (2023-cü ildə – 414,570 milyon manat). Aktivlər üzrə illik artım 1% təşkil edib. Eyni zamanda, öhdəliklər 24,8% artaraq 33,29 milyon manata yüksəlib. Nəticədə müəssisənin kapitalı 389,724 milyon manatdan 385,531 milyon manata qədər azalıb.

Mayya Hüseynova