Əskərlər ücün hazırlanan konservlər Ukraynada satılmır - DSX
"26 mart tarixində bir sıra KİV-lərdə və sosial media səhifələrində guya Dövlət Sərhəd Xidmətinin hərbi qulluqçularının ərzaq təminatı üçün alınmış ət konservlərinin Ukrayna bazarlarında satılması barədə materiallar yerləşdirilib".
Valyuta.Az xəbər verir ki, bu barədə Dövlət Sərhəd Xidmətinin (DSX) Mətbuat mərkəzinin yaydığı məlumatda bildirilir.
"Bununla əlaqədar rəsmi olaraq bildiririk ki, bu materiallar həqiqətəuyğun deyildir və qərəzli xarakter daşıyır. Dövlət Sərhəd Xidməti tərəfindən ərzaq mallarının alınması qüvvədə olan qanunvericiliyə əsasən, dövlət satınalma prosedurlarına uyğun həyata keçirilir", - məlumatda bildirilib.
Hərbi ekspert Üzeyir Cəfərovun Turana verdiyi xəbərə görə isə, adıçəkilən konservləri Azərbaycan şirkətinin sifarişi əsasında hazırlayan Ukrayna şirkətinin direktoru Aleksandr Qrisunik etiraf edir ki, məhz onların əməkdaşlarının səhvi ucbatından xarici alıcılar üçün nəzərdə tutulmuş məhsulun üzərinə saxlanc yerində daxili alıcılar üçün nəzərdə tutulmamış əlavə etiketlər yapışdırılıb. Baş vermiş səhvə görə onlar üzrxahlıq edərək gələcəkdə belə halların baş verməməsi üçün sərt addımlar atacaqlarını bəyan ediblər. Yəni, məhsulu hazırlayan şirkət özü xarici alıcı üçün nəzərdə tutulmuş məhsulun üzərinə bilməyərəkdən daxili alıcı üçün nəzərdə tutulmuş daha bir etiket yapışdıraraq belə anlaşılmazlığın yaranmasına rəvac vermişdir.
Ukraynadakı məsələnin Azərbaycan DSX-ə qətiyyən aidiyyatı və əlaqəsi yoxdur, - deyərək Cəfərov vurğulayıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay