Türkiyədə adambaşına düşən kredit kartı sayı 3-dür. Azərbaycanda da kredit kartlarından istifadə sürətlə artır. Prosesdə banklar özləri də maraqlıdırlar. Müştəriləri ilə əlaqə saxlayıb kredit kartı təklif edirlər, kartın üstünlükləri və s. haqqında məlumat verirlər. “İstəmirəm” desən də, bəzən israr edirlər. Bəs banklar kredit kartlarının alınmasında niyə maraqlıdırlar?

Bank məsələləri üzrə ekspert Əkrəm Həsənov Valyuta.az-a dedi ki, bankların əsas qazanc mənbəyi kreditlərdir. Kartlar isə kredit vermək üçün ən yaxşı üsuldur: “Böyük bankların vəsaiti çoxdur deyə, pulu harasa yerləşdirib, kredit verib qazanmaq istəyirlər. Kredit kartları da kredit vermək üçün ən yaxşı üsuldur”.

Əkrəm Həsənov deyir ki, bankların ehtiyacı olmayan şəxslərə də kredit kartını israrla verməyə çalışmaqda məqsədləri var: “İnsan psixologiyası belədir ki, kredit kartını götürdüsə, xərcləməyə başlayacaq. Bir var ki, pulun yoxdur, heç nə almırsan. Kredit kartın olduğunu biləndə, arxayınlıq yaranır. Gözün nə gördüsə, alırsan. Buna görə də, banklara kredit kartı vermək sərf edir, istəyirlər ki, kredit kartlarını daha çox insana paylasınlar”.

Nuray