İşəgötürənlərin öhdəliyində olan və işçilərin qayğısına qalan “İcbari Həyat Sığortası” adından göründüyü kimi çox vacibdir. Bu sığorta növünün tətbiqində işçinin maaşından heç bir halda məbləğ tutulmur.

Valyuta.az xəbər verir ki, işəgötürən tərəfindən illik kiçik məbləğ “İcbari Sığorta Bürosu”nda qeydiyyatdan keçən sığorta şirkətlərindən birinə ödəniş edir. 

İş gedişatı zamanı baş vermiş hadisə nəticəsində əlillik və ya ölüm halı olarsa, xəsarət alan işçiyə və ya onun ailə üzvlərinə öncədən təyin olunan məbləğ ödənilir.

“İcbari Həyat Sığortası” məcburidir, qanunla tənzimlənir deyirik. Bəs hansı qanunda bununla bağlı məlumatlar qeyd olunub?

Belə ki, sonda əlavə edilmiş qanuna əsasən qeyd olunan şəxslər, yəni  hüquqi şəxslər, sahibkarlıq fəaliyyəti göstərən fiziki şəxslər və dövlət orqanları icbari həyat sığortası məhsulu üzrə müqavilə bağlamalıdırlar.

Qeyd edək ki, bu Qanun əmək fəaliyyəti ilə məşğul olan əcnəbilərə və vətəndaşlığı olmayan şəxslərə də şamil olunur.