Ötən il ərzində sığorta təşkilatları vətəndaşlara 666 milyon 673 min manat sığorta ödənişi həyata keçirib.

Valyuta.az Dövlət Statistika Komitəsinə istinadən xəbər verir ki, bu, əvvəlki illə müqayisədə 224 milyon 547 min manat və ya 50,8% çoxdur. 2022-ci ildə sığorta təşkilatları vətəndaşlara 442 milyon 126 min manat sığorta ödənişi ödəyib.

Hesabat dövründə ödənilən könüllü sığorta üzrə sığorta ödənişləri 556 milyon 118 min manat olub ki, bu, illik müqayisədə 209 milyon 784 min manat çoxdur. 2022-ci ildə sığorta təşkilatlarının könüllü sığorta üzrə sığorta ödənişləri 346 milyon 334 min manat olub.

İcbari sığorta üzrə sığorta ödənişləri isə 110 milyon 554 min manat olub ki, bu da illik müqayisədə 14 milyon 762 min manat çoxdur. 2022-ci ildə sığorta təşkilatlarının icbari sığorta üzrə sığorta ödənişləri 95 milyon 792 min manat olub.

Əvəz Həsənov