Bu ilin yanvar-avqust aylarında Azərbaycanda neft məhsullarının istehsalı sahəsində istehsalın ümumi dəyəri 2 milyard 881,7 milyon manat olub.

Valyuta.az xəbər verir ki, bu barədə Dövlət Statistika Komitəsinin aylıq hesabatında məlumat verilib.

Sənədə əsasən, bu göstərici əvvəlki ilin analoji dövrü ilə müqayisədə 8,7% artıb.

Neft məhsullarından neft-kimya sənayesində istifadə üçün benzinin istehsalı 72,8%, sürtkü yağlarının istehsalı 66,8%, neft koksunun istehsalı 21,3%, dizel yanacağının istehsalı 12,5%, neft bitumunun istehsalı 7,4% artıb.

Məlumata görə, hesabat dövründə ölkədə avtomobil benzininin istehsalı 2,5%, yanacaq mazutunun istehsalı isə 26,3% azalıb.

Ömər Vəzirli