Dövlət Gömrük Komitəsinin hesablamalarına görə, 2023-cü ilin yanvar-iyun aylarında Azərbaycandan Bolqarıstana 184 milyon 568 min dollar dəyərində məhsul ixtac edilib. Bu göstəricinin həcmi ötən ilin müvafiq dövrü ilə müqayisədə 3.7 dəfə və ya 134.7 milyon dollar çoxdur. Qeyd edək ki, 2022-ci ilin ilk 6 ayında Azərbaycandan Bolqarıstana 49 milyon 853 min dollar dəyərində məhsul ixrac edilib. 

Görəsən, Azərbaycandan Bolqarıstana ixracının 4 dəfəyə qədər qalxmasında hansı mal-məhsulların rolu olub?

İqtisadçı ekspert Pərviz Heydərov Valyuta.az-a açıqlamasında bildirib ki, Azərbaycandan Bolqarıstana ixracın artmasında neft və mavi yanacaq mühüm rol oynayıb:

“Azərbaycanın Avropa ölkələri, xüsusən də Balkan ölkələrinə ixracında əsas yeri xam neft, neft məhsulları və mavi qaz tutur. Bu tendensiyanı Balkan ölkəsi olan Bolqarıstana da aid etmək olar. Bakı ilə Sofiya arasında aparılan danışıqların nəticəsi olaraq Azərbaycan 2023-cü ildən başlayaraq, qaz ixracını artırıb. Bolqarıstan 2023-cü ilin yanvar-may aylarında Azərbaycandan qaz idxalını ötən ilin müvafiq dövrü ilə müqayisədə 2,9 dəfə artırıb. Ümumiyyətlə, bu il Bolqarıstan Azərbaycandan illik olaraq 2 milyard kubmetr qaz almaq niyyətindədir. Keçən il isə Bolqarıstana ixrac edilən Azərbaycan qazının həcmi təxminən 400 milyon kubmetr olub”.

Ramiz