2025-ci ilin yanvar ayında geyim istehsalında əvvəlki ilin müvafiq dövrü ilə müqayisədə 43,3 % azalma qeydə alınıb. 

Valyuta.Az bu barədə Dövlət Statistika Komitəsindən məlumat əldə edib. 

Məlumata görə, toxuculuq sənayesi, geyim, dəri və dəridən məmulatların, ayaqqabıların istehsalı sahələrində 57,6 milyon manat dəyərində məhsul istehsal edilmiş, əvvəlki ilin yanvar ayı ilə müqayisədə toxuculuq sənayesində 39,2 %, dəri və dəridən məmulatların, ayaqqabıların istehsalında 12,2 % artım, geyim istehsalında isə 43,3 % azalma müşahidə olunub.

Sözügedən dövrdə 77,3 min ədəd üst geyim, 134,6 min ədəd istehsalat və peşə komplektləri,  90,3 min ədəd alt geyim, 111,2 min ədəd corab məmulatları və 452,6 min ədəd sair geyim istehsal olunub. 

Toxuculuq sənayesində isə 15491,5 ton pambıq mahlıcı, 1392,2 ton pambıq ipliyi, 2618,2 min kv.m pambıq parçalar, 10,9 min ədəd pambıq yataq ağları və 0,3 kv.m xalça və xalça məmulatları məhsul istehsal olunub. 

Dəri və dəri məmulatları, habelə ayaqqabı istehsalı sahəsində isə 0,7 min kv.m emal edilmiş dəri və 43.6 min cüt ayaqqabı istehsal olunub.

Rəhim