COVİD-19-a qarşı iki dozanın yetərli təsir etməyəcəyini, üçüncü dozaya da ehtiyac olduğu istiqamətində müzakirələr gedir. Mütəxəssislər üçüncü dozanın xüsusilə yeni ştammlara qarşı təsirinin ola biləcəyini bildirirlər.

"Moderna" şirkəti koronavirusun Braziliya və Cənubi Afrika ştammlarına qarşı üçüncü peyvənd dozasının bədəndə dözümlülük yaratdığını bildirib. Tədqiqat iştirakçıları peyvəndin ikinci dozasından səkkiz ay sonra əlavə doza alıblar. 15 gündən sonra analizlər COVID-19-un yeni stammlarına qarşı anticismlərin gücləndirilmiş reaksiyasını göstərib.

Valyuta.az Sfera.az-a istinadən xəbər verir ki, bununla bağlı açıqlama verən tibb elmləri doktoru, professor Adil Qeybulla. vaksinin üçüncü dozasının vurulmasıNIN ümumi olaraq nəzərdə tutulmadığını qeyd edib: 

 
"Amma antikor testlərinin nəticələri buna təsir edə bilər. Bu testlər şəxsin əvvəllər bir infeksiya keçirib keçirmədiyini və virusa qarşı immunitetli olub olmadığını müəyyənləşdirmək məqsədi daşıyır. Yəni, antikor testlərinin nəticələri aşağı olarsa və ya xüsusi situasiyalarda bəlkə də buna getmək mümkündür.
 
Üçüncü dozanı vurdurmağın bir ziyanı da yoxdur. Effektlilik baxımından isə hələlik iki doza yetərli sayılır. Ola bilər, gələcəkdə hansısa zərurət olsun və üçüncü dozaya da ehtiyac yaransın”.

A.Qeybulla həmçinin "bir dəfədən artıq COVİD-19-a yoluxan şəxslərin vaksin vurdurmağa ehtiyacları varmı?” sualını da cavablandırıb: 

"Həmin şəxslər mütləq antikor testi verməli və əmin olmalıdırlar ki, immunitet formalaşıb. O halda vaksinasiya etdirməmək də olar. Ümumiyyətlə vaksinə ehtiyac olub, olmadığına isə antikor testindən sonra qərar verilməlidir”.

Qeyd edək ki, artıq Azərbaycanda yeni koronavirus (COVID-19) infeksiyasına qarşı 29 min 778 doza vaksin vurulub. Onlardan birinci mərhələ üzrə vaksinasiyadan keçənlərin sayı 7957, ikinci mərhələ üzrə peyvənd olunanların sayı 21821 nəfər olub.