"CFI Financial İnvestisiya Şirkəti"nin 2025-ci ilin yanvar-mart ayında “Bakı Fond Birjası”nda (BFB) apardığı əməliyyatların həcmi 176,77 milyon manat təşkil edib. 

Valyuta.az-ın hesablamasına görə, investisiya şirkətinin birja əməliyyatları son bir ildə 60,4% və ya 208,9 milyon manat azalıb. Belə ki, 2024-ci ilin yanvar-mart aylarında  şirkətin (“Azfinance” adlanırdı) dövriyyəsi 385,7 milyon manat təşkil edib. Bağlanan əqdlərin sayı isə 424-dən 51-ə enib. 

Bu dövrdə investisiya şirkətinin birja əməliyyatlarının 12,6 milyon manatı dövlət istiqrazlarının, 157,3 milyon manatı repo əməliyyatlarının, 6,78 milyon manatı isə korporativ istiqazların payına düşüb. Şirkət səhmlər və AMB notları üzrə əməliyyat aparmayıb. Həmçinin, mart ayında dövlət istiqrazları üzrə dövriyyəsi olmayıb. 

Qeyd edək ki, “CFI Financial İnvestisiya” bu ilin ilk rübündə daxili birjada dövriyyəsi ən çox azalan ikinci şirkət olub. 

Xatırladaq ki, "AzFinance Investment Şirkəti" ötən ilin avqust "CFI Financial Group"a satıldıqdan sonra rebrendinqini elan edib və "CFI Financial İnvestisiya Şirkəti"nə çevrilib. Şirkətə böyük maya qoyulduğu deyilsə də, hələlik sələfinin performansını göstərmək mümkün olmayıb.

NARA