Cari ilin yanvar-fevral aylarında toxuculuq sənayesi, geyim, dəri və dəridən məmulatların, ayaqqabıların istehsalı sahələrində 106,3 milyon manat dəyərində məhsul istehsal edilib. 

Valyuta.Az bu barədə rəsmi mənbələrə istinadən xəbər verir.

Məlumata əsasən, əvvəlki ilin müvafiq dövrü ilə müqayisədə dəri və dəridən məmulatların, ayaqqabıların istehsalında 47 %, toxuculuq sənayesində 21,8 % artım baş verib. 

Geyim istehsalında isə 39,8 % azalma qeydə alınıb.

Belə ki, toxuculuq məhsullarından pambıq mahlıcı istehsalında 41,7 %, pambıq parçaların istehsalında 9.1 %, pambıq yataq ağları istehsalında 3 dəfə artım, pambıq ipliyi istehsalında isə 11.6 % azalma baş verib. Xalça və xalça məmulatların istehsalında isə dəyişiklik baş verməyib.

Geyim istehsalında üst geyim istehsalı 80.9 %, alt geyim istehsalı 3.9 dəfə artdığı halda, istehsalat və peşə komplektləri istehsalında 53.9 %, corab məmulatlarının istehsalında 40.2 %, sair geyimlərin istehsalında isə 30.4 % azalma müşahidə olunub.

Dəri və dəridən məmulatların istehsalında isə artım qeydə alınıb.

Belə ki, emal edilmiş dəri istehsalı 10 dəfə, ayaqqabı istehsalı isə 62.9 % artıb.

Rəhim