“Cəlilabad Broyler” Açıq Səhmdar Cəmiyyəti iyunun 22-də səhmdarların növbədənkənar ümumi yığıncağının keçiriləcək.

Valyuta.az xəbər verir ki, yığıncağın gündəliyinə aşağıdakılar daxildir:

“Cəlilabad Broyler” ASC-nin Müşahidə Şurasının formalaşdırılması, sədr və üzvlərin təyin edilməsi.

Nizamnamənin qanunvericiliyə uyğunlaşdırılması ilə yeni redaksiyada təsdiqi.

“Azerbaijan Poultry Company” MMC və “Cəlilabad Broyler” ASC arasında bağlanacaq 10.000.000 (on milyon) AZN məbləğində borc müqaviləsinin təsdiq olunması.

“Azerbaijan Poultry Company” MMC ilə bağlanacaq yetişdirmə sahələrinin və yem zavodunun icarəsi müqaviləsinin bəyənilməsi və təsdiq olunması. 

“Cəlilabad Broyler” ASC-nin hüquqi ünvanının dəyişdirilməsi ilə bağlı qərarın qəbul edilməsi və digər məsələlər.

Qeyd edək ki, “Cəlilabad Broyler” ASC 2006-cı ilin avqustun 24-də dövlət qeydiyyatına alınıb. Şirkətin qanuni təmsilcisi Gülmuradov Elvin Eynur Oğludur. ASC-nin nizamnamə kapitalı 849 min 238 manatdır.

Əvəz Həsənov