“Türkiyədə vəziyyət 2023-cü ildən yaxşı olacaq”.

Bunu Valyuta.az-a açıqlamasında iqtisadçı ekspert Xalid Kərimli Türkiyə Mərkəzi Bankının sədrinin “2024-cü il Türkiyədə dezinflyasiya ili olacaq” fikirinə münasibət bildirərkən deyib. Onun sözlərinə görə, son aylarda infliyasiya gözləntilərdən də aşağı düşüb:

“Türkiyədə infliyasiya ilin birinci yarısında yüksək olacaq. Bəzi proqnozlara görə, infliyasiya ilin birinci yarısında 70-75%-ə kimi qalxacaq. Amma ilin ikinci yarısında eniş edəcək. Mərkəzi Bank ilin sonuna kimi infliyasiyanı 36%-ə salacağını proqnozlaşdırıb. Türkiyə minimum əmək haqqını 983 manat edib, təbii ki bunun da rolu var. Bu da qiymətlərə bir başa təsir edən amildir”.

Xalid Kərimli Türkiyədə ilin birinci yarısında qiymətlərin daha da qalxacağını vurğulayıb:

 “Burada gözləntilər nədən ibarətdir? Enerji qiymətlərinin aşağı düşməsi, Rusiya-Ukrayna müharibəsinin nəticələrinin yayılması, dünyada əmtəə qiymətlərinin aşağı düşməsi, ərzaq qiymətlərində dünya miqyaslı azalma var, Türkiyə Mərkzi Bankı AKP hökumətinin əvvəlki siyasətini davam etdirməyəcək, əksinə pul-kredit siyasətini sərtləşdirməyə davam edəcək. Bu gözləntilər konteksində fikirləşilir ki, infliyasiya aşağı düşəcək”.

Qeyd edək ki, Türkiyə Mərkəzi Bankının (TCMB) sədri Hafize Gaye Erkan TCMB-nin Nyu-Yorkda keçirilən tədbirində çıxışı zamanı bildirib ki, 2024-cü il Türkiyədə dezinflyasiya ili olacaq. 

Aylin