İnsanları vaksin vurdurmaqdan çəkindirən nədir?
Son zamanlar bir çox ölkələrdə olduğu kimi, Azərbaycanda da qrip əleyhinə vaksin vurulmasının vacibliyi qeyd olunur. Amma nədənsə, ölkə əhalisi bu prosesə başdansovdu yanaşır. Onun nəticəsidir ki, indiyə qədər olduqca az insan qrip əleyhinə vaksinasiya olunub.
Görəsən, insanları vaksin vurdurmaqdan çəkindirən nədir?
Valyuta.az-a açıqlama verən tibb üzrə fəlsəfə doktoru Aydın Əliyevin fikrincə, insanların vaksindən yayınmaları maarifləndirmə işlərinin zəif olmasından qaynaqlanır:
“Ölkəmizdə peyvəndləmə ilə bağlı təbliğat-təşviqat prosesi çox zəif təşkil olunub. Televiziyalarda lazımsız verilişlər çoxluq təşkil edir. Amma vaksin olunmağın vacibliyi, onun həyatı xilas etməsilə barədə televiziyalarda hər hansı bir verilişin verilməsinin şahidi olmamışıq. Halbuki televiziyalarda həmin məsələyə geniş yer verilsə, videoroliklər, qısametrajlı filmlər çəkilib göstərilsə, insanlarımız da peyvəndlənmədən çəkinməz. İnsanıarn mütləq əksəriyyətinin tibbi savadı yoxdur. Belə vəziyyətdə təbliğatın olmaması fonunda vətəndaş peyvənd barədə müxtəlif mənbələrdən mənfi fikirlər eşidir və sonda da ona inanır. Nəticədə də onda vaksin barədə mənfi rəy formalaşır. Əhali arasında yaşanan peyvənd fobiyası informasiya çatışmamazlığının nəticəsidir”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay