"Bir çox ölkələrdə, o cümlədən Türkiyə və Gürcüstanda pandemiya cərimələrinin ləğvi istiqamətində vətəndaşların maraqlarına cavab verən pozitiv qərarlar verilib. Bəzi ölkələrdə tək pandemiya dövründə verilib ödənilməyən cərimələr ləğv edilmədi, həm də ödənilən cərimələrin müxtəlif üsullarla geri qaytarılması praktikasından da istifadə etdilər. Azərbaycan da buna bənzər qərar verməlidir". 

Bunu Valyuta.az-a açıqlamasında pandemiya cərimələrinin ləğvinin mümkün olub-olmaması ilə bağlı sualı cavablandıran iqtisadçı ekspert Natiq Cəfərli deyib.

Ekspertin fikrincə, mövcud şəraitdə pandemiya cərimələrinin ləğvi vacibdir:

"Pandemiya dövründə tək vətəndaşlara deyil, biznes sahələrinə də ciddi cərimələr tətbiq olunmuşdu. İndiyə qədər də bəzi cərimələr biznes strukturlarının üzərində yük olaraq qalmaqdadır. Həmin cərimələr vəsait baxımından da böyük məbləğ deyil. Ona görə də hazırkı büdcənin gücü pandemiya cərimələrinin ləğvi barədə qərar verməyə yetərlidir. Proses ödənilməyən pandemiya cərimələrinin silinməsi, yaxud da sırf bu qadağalara görə cərimələnən insanlara həmin vəsaitin kommunal ödənişlər formasında geri qaytarılması yolu ilə həyata keçirilə bilər”.  

Ramiz