2015-ci ildə buraxılan və hazırda dünya üzrə milyonlarla istifadəçisi olan "Windows 10" yavaş-yavaş yerini yeni əməliyyat sisteminə verəcək.

Valyuta.az xəbər verir ki, "Windows 11"in təqdimatından sonra şirkət "Windows 10"a dəstəyini tədricən kəsəcək və istifadəçiləri "Windows 11-ə" keçməyə təşviq edəcək. "Microsoft" şirkəti artıq "Windows 10"un yeniləmə almayacağını və "Windows 10"un 21H2 versiyasına dəstəyi tamamilə dayandırdığını açıqlayıb. "Home" və PRO istifadəçiləri əməliyyat sistemini 22H2-ə təkmilləşdirməli olacaqlar.

"Windows"un müəssisə nəşri "Enterprise" və təhsil nəşri "Education" sahibləri isə 2024-cü ilə qədər 21H2 yeniləmələrindən yararlana biləcəklər. Həmin tarixdən etibarən əməliyyat sistemi də sələfləri kimi istismardan çıxacaq və heç bir yeniləmə almayacaq.

Elmir