Almaniyanın "Adidas AG" şirkəti "Reebok" brendini ABŞ-ın "Authentic Brands Group" şirkətinə 2,1 mlrd. avroya satır.

Valyuta.az-ın "APA-Economics"ə istinadən verdiyi məlumata görə, bu barədə şirkətin açıqlamasında deyilir.

"Adidas" məbləğin əsas hissəsini sövdələşmə başlandıqdan sonra alacaq, qalan ödənişlər isə müəyyən şərtlərin yerinə yetirilməsinə bağlıdır. 

Tərəflər müqaviləni 2022-ci ilin birinci rübündə tamamlamağı planlaşdırırlar. Almaniya şirkəti "Reebok" brendinin satışından əldə edilən gəlirin böyük hissəsini səhmdarların təşviqinə istifadə etməyi planlaşdırır.

Qeyd edək ki, "Adidas" 2006-cı ildə "Rockport", "CCM Hockey" və "Greg Norman" brendləri ilə yanaşı "Reebok"u da satın alıb. Sonradan qeyd edilən üç brendi şirkət təxminən 400 mln. avroya satıb.