Qlobal bazarlar ABŞ-da məşğulluq məlumatlarına fokuslanıb. İyun ayında 850 min artım qeyd edən kənd təsərrüfatı sektoru xaric məşğulluqda iyul ayında 858 - 870 min nəfərlik artım açıqlanacağı gözlənilir. 

Valyuta.az Marja.az-a istinadən xəbər verir ki, ABŞ-da kritik məşğulluq məlumatlarından əvvəl, Wall Street indeksləri Cümə axşamı günü rekord səviyyələrdən bağlanıblar. Delta variantının iqtisadiyyat üzərindəki mənfi təsirlərinə dair narahatlıqlara qarşı, şirkətlərin güclü maliyyə göstəriciləri rekorda səbəb olub.

Bloomberg Dollar İndeksi də bu səhər yüksəlişə keçib.

ABŞ-da işsizlik nisbətinin 5,9%-dən 5,7%-ə gerilədiyi təxmin edilir. Bu kritik məlumatlardan əvvəl, işsizlik müavinətinə müraciət edən amerikalıların sayını göstərən həftəlik göstərici 385 min səviyyəsində açıqlanıb.

İşsizlik müavinəti üçün müraciət edilərin sayı 2 həftədir azalır. Dövlət yardımları üçün edilən müraciət edilər də 24 İyulda sona çatan həftədə 2,93 milyon nəfər olmaqla pandemiya dövründə yeni bir ən aşağı səviyyəyə düşüb.  

Bloomberg Economics-ə (BE) görə, açıqlanacaq məlumat İyul ayında məşğulluğun sürət qazandığına işarə edəcək. BE iqtisadçısı Eliza Winger, həftəlik işsizlik müavinəti müraciətləri məlumatının, azalmanın payızda da davam edəcəyi istiqamətindəki fikirini dəstəklədiyini bildirib. Winger, koronavirusun Delta variantının aşağı istiqamətli bir risk yaratdığını, ancaq məşğulluq bazarındakı artıma məhdud bir təsir nəzərdə tutduqlarını söyləyib. BE məşğulluqda 950 min artım gözləyir.

Minneapolis Fed sədri Neel Kashkari də payızda məşğulluq bazarının daha güclü olacağı mövzusunda optimist olduğunu bildirib.

Senator Joe Manchin, iqtisadiyyatın həddindən artıq qızmasından narahat olduğunu bildirərək, Fed-i qiymətli kağız alışını azaltmağa başlamaq çağırışı edib.