Avropa Mərkəzi Bankının (AMB) sədri Kristin Laqard Avro Qrupunun iclasında inflyasiya mövzusunu müzakirə etdiklərini və "AMB olaraq, 2021-ci ildə inflyasiyanın artmasının müvəqqəti olduğunu düşünürük" deyib.

Laqard və Avro Qrupunun prezidenti Paskal Donohyu, Portuqaliyanın Lissabon şəhərində təşkil edilən Avro Qrup toplantısının sonunda mətbuata açıqlama verib.

Avro Bölgəsinin iqtisadi dirçəliş mərhələsində olduğunu söyləyən Laqard, “COVID-19 baş vermədən əvvəlki Ümumi Daxili Məhsul (ÜDM) səviyyəsinə 2022-ci ildə çatacağımıza inanıram" deyib.

Laqard iqtisadi canlanma ilə bağlı qeyri-müəyyənliklərin davam etdiyini və epidemiyanın bəzi sektorlarda və ölkələrdə "izlər" qoyacağını bildirib.

O, qeyri-müəyyənliklər və fərqli canlanma templəri səbəbindən önümüzdəki aylarda iqtisadiyyatları dəstəkləyən siyasətlərin davam etməsinin lazım olduğuna diqqət çəkib. Son vaxtlar qlobal bazarlarda artan inflyasiya ilə bağlı narahatlıqlara gəldikdə, Laqard deyib ki, "İnflyasiya məsələsini Avro Qrupun iclasında müzakirə etdik. AMB olaraq 2021-ci ildə inflyasiyanın artmasının müvəqqəti olduğunu düşünürük".

Avro Qrupun rəhbəri Donohyu da Avropadakı iqtisadi canlanmanın başladığına diqqət çəkib. Peyvəndləmə prosesinin Avropada sürətləndiyini xatırladan Donohyu, Avro Qrupunun dəstəkləyici iqtisadi siyasətinə ehtiyac olduğu müddətdə davam edəcəyini söyləyib. O, davamlı iqtisadi bərpa üçün məşğulluğu və vətəndaşları dəstəkləyəcəklərini bildirib. //cebhe.info