![](https://valyuta.az/file/articles/2023/12/06/1701842541_airline-plane-1024x652.jpg)
Azərbaycanın yük daşıyan aviaşirkətlərinin gəlirləri kəskin düşüb – Üç rübə ₼1.35 milyardlıq gəlir
Azərbaycanda hava nəqliyyatı ilə yük daşınmasından əldə olunan gəlirlərin həcmi illik müqayisədə 51% azalıb.
Valyuta.az, yük təyyarələri 2023-cü ilin ilk üç rübü ərzində 255 min tonluq yük daşıyıb ki, bu da öncəki ildən 21.9 faiz azdır.
Yükdaşınmasındakı eniş karqodan gəlirləri də azaldıb. Azərbaycanda fəaliyyətdə olan yükdaşıma aviaşirkətləri ilin ilk üç rübündə cəmi 1 milyard 352.1 milyon manatlıq gəlir əldə edib ki, bu da illik müqayisədə 51.1 faiz azdır. 2022-ci ilin müvafiq dövründə aviaşirkətlərin yükdaşımadan gəlirləri 2 milyard 767.1 milyon manat idi.
Azərbaycanın ən iri yükdaşıma şirkətlərindən biri “Silk Vey Vest Aviaşirkəti” MMC-nin yarımillik audit hesabatından da görünür ki, cari il öncəki ildən daha zəifdir. Adıçəkilən şirkət 2022-ci ilin ilk yarımilində 1 milyard 785 milyon manat gəlir əldə etdiyi halda, cari ildə bu rəqəm 816.4 milyon manata düşüb.
Dövlət Statistika Komitəsinin açıqlamasına əsasən aviaşirkətlərin yükdaşımalardan gəlirlərinin 1 milyard 351 milyon manatı beynəlxalq resylərlə həyata keçib.
© Banker
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay