Bir həftədə 92% artım: Trampın "TROG" sərmayəsi (FOTO)

ABŞ-ın keçmiş prezidenti Donald Tramp kriptovalyutalar sahəsində tanınmış simadır və hazırda portfelində ən çox "TROG" saxlayır.

Valyuta.Az xəbər verir ki, "Arkham Intelligence" məlumatlarına görə, 12 dekabr tarixinə Donald Trampın kripto portfeli 8,1 milyon dollar dəyərindədir. Bu portfeldə "TROG" 2,2 milyon dollar ilə ən böyük rəqəmsal aktivdir və ümumi portfelin 27%-dən çoxunu təşkil edir.

Trampın portfelində "TROG"un dəyəri, qiymətlərin yalnız bir həftə ərzində 92,31% artmasından sonra, 399 min dollar yüksəlib. Eyni zamanda, tokenin bazar dəyəri də 26% artaraq 4,67 milyon dollara çatıb və təxminən 0,0000111 dollar qiymətində ticarət olunur.

Portfeldə ikinci ən böyük aktiv "Ethereum" ("ETH")dur. Tramp 495,6 ədəd "ETH"ə sahibdir və bu, 1,9 milyon dollar dəyərindədir. Son bir gündə "ETH" qiymətinin 5,18% artması nəticəsində onun dəyəri də yüksəlib.

Tramp həmçinin DeFi sahəsində geniş istifadə edilən "WETH" tokeninə də sahibdir. Bu aktivin dəyəri 1,84 milyon dollardır

Portfelindəki digər kriptovalyutaların dəyəri isə 1 milyon dollardan azdır. Bunlara "TRUMP" (996 min dollar), "GUA" (297 min dollar) və "USDC" (138 min dollar) daxildir.

"TROG" tokeninin məqsədi

"TROG"un rəsmi saytına görə, bu meme token Donald Trampdan ilhamlanaraq yaradılmışdır və ümumi təchizatı 440 milyard ədəddir. Tokenin məqsədi, kriptovalyuta sahəsində möhtəşəm bir başlanğıc edərək cəmiyyətə böyük gəlir qazandırmaqdır.

Rəhim