Standard Chartered Bank-ın ekspertlərinin fikrincə, 2025-ci ilin sonuna qədər Bitcoin məzənnəsi 200 min dollara çata bilər.

Valyuta.az The Block-a istinadla xəbər verir ki, bu proqnozun arxasında duran əsas amil ABŞ- da spot Bitcoin ETF-lərin gözlənilən təsdiqidir.

Analitiklər bu buraxılışı qızıl bazarında bu metal üçün birja fondlarının meydana çıxmasından sonra baş verən inqilabla müqayisə edirlər.

Mütəxəssislər hesab edirlər ki, spot Bitcoin ETF-lərinin təsdiqi kriptovalyuta bazarında institusional iştirakın normallaşması üçün “oyun dəyişdiricisi” olacaq. Onların proqnozu qızılın qiymətinin ETF-nin istifadəyə verilməsindən sonra 7-8 il ərzində 4,3 dəfə artmasına əsaslanır. Analitiklər əmindirlər ki, Bitcoin də spot ETF-lərin həllindən sonra iki il ərzində eyni sürətlə yüksələcək.

Bu ilin yanvar ayında Bitcoin-in qiyməti 2022-ci ilin aprelindən bəri ilk dəfə olaraq 45 min dollara çatıb. 2023-cü ilin oktyabrında kriptovalyutanın məzənnəsi də 2022-ci il səviyyəsinə yüksələrək, həmin ilin may ayından bəri ilk dəfə 34.000 dolları ötüb.

Nicat