Son üç ildə ilk dəfə olaraq kibercinayətkarların ildə oğurlaya bildikləri məbləğ azalıb, lakin kriptovalyuta oğurluqlarının miqyası hələ də təsiredicidir.

Valyuta.az xəbər verir ki, De.FI təhlükəsizlik təşkilatının məlumatına görə, hakerlər bu il onlarla kiberhücum və oğurluqda təxminən 2 milyard dollar dəyərində kriptovalyuta oğurlayıblar.

“Bu məbləğ müxtəlif hadisələrə yayılsa da, mərkəzləşdirilməmiş maliyyə ekosistemində davam edən zəiflikləri və çətinlikləri vurğulayır. 2023-cü il həm cari zəifliklərin, həm də onların aradan qaldırılmasında əldə edilən uğurların sübutu oldu”, – De.Fi nümayəndələri öz hesabatlarında qeyd ediblər, - TechCrunch yazır.

Dekabrın əvvəlində blokçeyn analiz şirkəti TRM Labs da bu il hakerlər tərəfindən oğurlanan kriptovalyutaların sayına dair təxminlərini açıqlamışdı. Şirkətin məlumatına görə, dekabrın ortalarına olan ümumi məbləğ təxminən 1,7 milyard dollar təşkil edib.

İlin ən böyük kriptovalyuta oğurluqları arasında Euler Finance protokolunun sındırılması olub. Hücum zamanı hakerlər təxminən 200 milyon dollar oğurlayıblar. Multichain kriptovalyutası protokolu, BonqDAO, Poloniex kriptovalyutası və Atomic Wallet kripto pul kisəsinə də hücumlar olub, hər biri 100 milyon dollardan çox itkiyə səbəb olub.

Keçən il blockchain monitorinq şirkəti Chainalysis kibercinayətkarların indiyədək təxminən 3,8 milyard dollar dəyərində kriptovalyuta oğurladığını bildirib.

Nicat