6 Aprel tarixində İqtisadiyyat Nazirliyi yanında Əmlak Məsələləri Dövlət Xidməti tərəfindən növbəti hərrac keçiriləcək. 

Nazirlikdən Valyuta.az-a verilən məlumata görə, hərraca 65 dövlət əmlakı çıxarılacaq. 

Bunlardan 24-ü kiçik dövlət müəssisəsi və yarımçıq tikili, 41-i isə səhmdar cəmiyyətidir. 

Özəlləşdirmə hərraclarında iştirak etmək istəyən şəxslər Xidmətin rəsmi saytına (emlak.gov.az) və ya Özəlləşdirmə portalına (privatization.az) daxil olaraq seçim etməklə qeydiyyatdan keçə, həmçinin dövlət əmlakının ilkin hərrac qiymətinin 10%-i məbləğində behi ödəyib sifarişçi statusu ala bilərlər. Sifarişçilər hərraclara onlayn qoşula da bilərlər.

Hərrac günü prosesə marağı olanlar həm Əmlak Xidmətləri Məkanına gəlməklə, həm də  Əmlak Məsələləri Dövlət Xidmətinin Elektron Xidmətlər Portalından (e-emlak.gov.az) “Elektron hərrac” bölməsini seçərək hərracları qeydiyyatsız formada izləyə bilərlər.

Qeyd edək ki, özəlləşdirməyə çıxarılan dövlət əmlakının tam siyahısı aşağıdakı linklərdə ətraflı qeyd olunub:  

//bit.ly/38kQUru,

//bit.ly/3sZwgoU,

//bit.ly/3btkhtE.