![](https://valyuta.az/file/articles/2024/07/23/1721740318_9115c750-0597-36d1-9aae-1ca01484554b_850.jpg)
Sumqayıtda mənzillər niyə bahalaşır? (ŞƏRH)
Son illər Bakı ilə bərabər bölgələrdə də daşınmaz əmlak bazarında qiymətlər nəzərəçarpacaq qədər bahalaşıb.
Paytaxta yaxın yerlərdə - Abşeron, Xırdalan xüsusi ilə Sumqayıtın mənzil bazarında qiymət artımı daha çoxdur. Əmlak bazarına nəzər yetirdikdə görülür ki, burda artıq 100 mindən baha iki-üç otaqlı bina evləri də satışa çıxarılır.
Bu şəhərlərdə evlərin qiymətinin bahalaşmasının səbəbi nədir?
Mövzu ilə bağlı Valyuta.az-a danışan əmlak məsələləri üzrə ekspert Elnur Fərzəliyev bildirib ki, paytaxt Bakıda mənzillərin qiyməti çox qalxıb. Bu qiymət artımı digər böyük şəhərlərə də təsir edir. Sumqayıtda isə mənzillərin qiymətinin artımının bir neçə səbəbi var:
“Şimal bölgəsindən Bakıda işləməyə gələnlərin bir çoxu Bakıya deyil, bu şəhərə yaşamağa gəlirlər. Sumqayıtda yaşayanların əksəriyyəti bölgələrdən gələn insanlardır. Bundan başqa son illər Sumqayıtda müxtəlif layihəli binaların tikilməsi, bu sahədə özəl sektorun inkişaf etməsi, onların tikinti ilə məşğul olması İpoteka və Kreditlərə Zəmanət Fondunun kirayə mənzillər layihəsi və s. kimi evlər tikilərək, uzun müddətli kreditlərlə satılmağa başladı. Bu gün Sumqayıt bulvarı başdan-başa yeni tikili binalarla dolub. İlk dövürlərdə həmin layihələr müştəri cəlb etmək üçün mənzilləri sərfəli şərtlərlə satışa çıxardı, daha sonra qiymət artımı baş verdi. Qiyməti artıran əsas amillər isə həm torpaq sahələrinin qiyməti, həm də baş verən digər ümumi qiymət artımlarıdır. Bu artımlar baş verdikcə digər böyük şəhərlərdə də mənzillərin qiymətində artım özünü göstərir”.
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay