Binalarda eyni mənzilin bir neçə müştəriyə satılmasına yol verilməyəcək
Azərbaycanda tikintisinə icazə verilmiş, amma inşaat işlərinə başlanmamış və ya tikintisi başa çatmamış binaların mənzillərinə də mülkiyyət sənədi veriləcək.
Daşınmaz Əmlakın Kadastrı və Reyestrinin İdarə Heyətinin sədr müavini Elşad Məmmədov deyir ki, bu, "Daşınmaz Əmlakın Elektron Reyestri və Kadastrı İnformasiya Sistemi”nin işə salınması sayəsində mümkün olacaq.
Sistem ölkə başçısının 17 noyabr 2023-cü il tarixli fərmanı əsasında yaradılır. Bu, daşınmaz əmlaka dair bütün sənədlərin tam elektronlaşmasına imkan yaradacaq. Sistemə bütün müraciətlər elektron yolla ediləcək və məmur-vətəndaş ünsiyyəti tamamilə aradan qaldırılacaq.
Sistem həm də tikilməkdə olan binalarda eyni mənzilin bir neçə müştəriyə satılmasının qarşısını alacaq.
Yəni, çox mənzilli binanın tikintisinə icazə verildikdən sonra onun layihəsi sistemə yerləşdiriləcək. Onun kimə satılması və neçəyə alınması qeyd olunacaq. Həmçinin, ödənişlər də bütünlüklə sistem üzərindən aparılacaq. Bu, ödənişin edilib-edilməməsi ilə bağlı müştəri ilə tikinti şirkətləri arasında mübahisələrin qarşısını alacaq. Bu çərçivədə texniki parsportların elektronlaşması da həyata keçirilib.
Texniki parsportların elektronlaşması sadə vətəndaşlara istənilən əmlakın yerləşdiyi ərazini real xəritələrdə görmək imkanı yaradacaq. Bu, əmlakla bağlı bir sıra möhtəkirliklərin qarşısını almağa imkan yaradacaq.
Əmlak Məsələləri Dövlət Xidməti tərəfindən sənədsiz evlər probleminin həlli istiqamətində də addımlar atılır. İndiyə kimi sovet dövründə və müstəqilliyin ilk illərində müxtəlif qurumların icazəsi əsasında tikilmiş 100 minə yaxın fərdi yaşayış evinin sənəd problemi həll edilib. Hazırda isə heç bir sənədi olmayan evlər probleminin həlli üzrə addımlar atılır.
Bu evlərin sənəd probleminin həlli Azərbaycanın dayanıqlı sosial rifah ölkəsinə çevrilməsində növbəti addam olacaq. Əmlak bazarına yeni fondlar daxil olacaq və bu, cəmiyyətdə orta sinifin çəkisini artırmaqla yanaşı, əmlak bazarında da canlanma yaradacaq.
© Real TV
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay