Çin Xalq Bankı (PBOC) 2023-cü ilin aprel ayında qızıl ehtiyatlarını daha 1,87 ton artıraraq, qiymətli metalın qiymətlərini rekord həddə çatdırmağa kömək edən görünməmiş alış aktivliyini genişləndirib.

Valyuta.az xəbər verir ki, bu barədə "Bloomberg" Çin Xalq Bankının məlumatlarına istinadən yazıb.

Dünya Qızıl Şurasının məlumatına görə, bu ilin birinci rübündə dünyanın ən böyük mərkəzi bankları, xüsusən də Çin qızılın əsas alıcıları olub və bu dövrdə alınan qiymətli metalın həcminə görə rekorda imza atıblar.

Təşkilatın hesabatında deyilir: "Mərkəzi banklardan tələb qızıl qiymətlərini yüksəltməklə, bütün zamanların ən yüksək səviyyəsinə çatıb".

Güclü ABŞ dolları və adətən qızıl qiymətlərini nəzarətdə saxlayan ABŞ-da inadkar inflyasiyaya baxmayaraq, aprel ayında metalın unsiyası 2400 dolları keçib.

Analitiklər həmçinin çinli istehlakçıların, eləcə də Ukrayna və Yaxın Şərqdəki münaqişələr səbəbindən kapitala qənaət etməyə çalışan investorların qızıla tələbinin artdığını qeyd edirlər.

Paşa Məmmədli