Ağdam rayonunun Kəngərli kənd yaşayış məntəqəsinin tikintisinə başlanılır. 

Valyuta.az xəbər verir ki, bu məqsədlə Qarabağ İqtisadi Rayonunda Bərpa, Tikinti və İdarəetmə Xidməti I və II faza üzrə söküntü və şaquli planlaşdırma işlərinin satın alınması ilə bağlı tender elan edib.

Tenderin qalibi “AZ GRAFT CONSTRUCTION” MMC seçilib. Tərəflər arasında bağlanacaq satınalma müqaviləsinin maliyyə dəyəri 3.311.895,69 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, 6 avqust 2019-cu ildə qeydiyyata alınıb. Nizamnamə kapitalı 1000 AZN olan şirkətin qanuni təmsilçisi Qasımov İsgəndər Rəhman oğludur. 

Açıq mənbələrdə İsgəndər Qasımov barəsində heç bir məlumat yoxdur. 

“AZ GRAFT CONSTRUCTION” MMC-yə gəlincə, ötən il şirkərin adı Dövlət Şəhərsalma və Arxitektura Komitəsinin qurumu olan "Ərazi Tikinti-Planlaşdirma Mərkəzi" işğaldan azad edilən ərazilərin yenidən qurulması üzrə elan etdiyi tenderin qalibi olub. Sözügedən şirkətlə 4 milyon manatlıq müqavilə imzalanıb. Amma bu tender barəsində elan dövlət satınalmalarının vahid portalında yerləşdirilməyib.

Hüseyn