"Martın 31-də və aprelin 1-də OPEK çərçivəsində təşkil olunan müzakirələrdə gözlənilən qərarlar da neftin qiymətlərinə təsirsiz ötüşməyəcək".

Valyuta.az xəbər verir ki, bu barədə iqtisadçı alim Qubad İbadoğlu social şəbəklərdəki şəxsi səhifəsində yazıb. 

Türk lirəsinin yenidən dəyərdən düşdüyünü və hazırda 1 dolların 8,4 lirə səviyyəsində qərarlaşdığını yazan ekspert bildirib ki, bu dəyişikliklərin Azərbaycan manatına təsir etməyəcəyi ilə bağlı Mərkəzi Bank sədrinin açıqlaması mövcud narahatlıqdan qaynaqlanır. 

Onun sözlərinə görə, MB rəhbəri bunu neftin qiyməti ilə əsaslandırmaqla, yenə də Azərbaycan iqtisadiyyatının xarici bazarlardan və şoklardan asılılığını etiraf edib. 

Q.İbadoğlu qeyd edib ki, nefti qiymətinə gəlincə, ona artırıcı təsir göstərən Suveyş kanalında  1 həftədir ki,  tıxana   “Ever Green” gəmisi dünən hərəkətə gəlib, artıq kanal normal fəaliyyətə qayıdır. 

“Təbii ki, bu neft qiymətlərini az da olsa ucuzlaşdıracaq” – deyə alim sonda vurğulayıb.