Energetika Nazirliyi yanında Enerji Məsələlərini Tənzimləmə Agentliyi (AERA) 2021-ci ilin aprel ayı ərzində vətəndaş müraciətləri, istismara buraxılış aktı və icazələr, layihə razılaşdırılması və Texniki Şuralara dair nəticələrini açıqlayıb

AERA-dan Valyuta.az-a istinadən xəbər verir ki, aprel ayı ərzində istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Agentliyə bilavasitə və Energetika Nazirliyindən 628 müraciət daxil olub.
 
Bunlardan 471 müraciət elektrik enerjisi təchizatı ilə bağlı olub ki, bunun 439-u icra, 32-si məlumat məqsədi ilə olub: 

“Təbii qaz təchizatı ilə bağlı 55-i icra, 9-u məlumat üçün olmaqla, 64 müraciət daxil olub. Həmçinin, istilik təchizatı ilə bağlı 6 müraciət (5-i icra üçün, 1-i məlumat üçün), 87 müraciət ( 61-i icra üçün, 26-sı məlumat üçün) isə digər məsələlərlə bağlı olub”.

Qeyd edilib ki, 628 müraciətdən 217-si Agentlik tərəfindən araşdırılıb və cavablandırılıb: 

“İki müraciət müvafiq qaydada baxılması və tədbir görülməsi üçün aidiyyəti qurumlara göndərilib, bir müraciət isə Energetika Nazirliyi ilə müştərək icra olunub”.  

Açıqlamada, 342 müraciətin hazırda baxılma prosesində olduğu bildirilir:

“68 məlumat xarakterli müraciətdən 13 qaldırılan problemlərin həlli ilə bağlı təşəkkür məktubu olub”.